Вилоят Ички ишлар бошқармаси Жиноят қидирув бошқармаси ҳамда шаҳар Ички ишлар органлари фаолиятини мувофиқлаштириш бошқармаси ходимларининг ҳамкорликдаги тезкор тадбири давомида Жиззах вилояти Жиззах шаҳрида яшовчи, 1991 йилда туғилган х.С. исмли аёл Бухоро шаҳар “Пиридастгир” маҳалласида жойлашган кўп қаватли уйнинг ўзи ижарага олган хонадонларидан бирида фуқаролар М.М. билан И.Н. ҳамда яна бир “жуфтлик” Ҳ.М. ва Ш.Ш.ларнинг жинсий алоқа қилишлари учун шароит яратиб бериб, бунинг эвазига улардан 1.400.000 (бир миллион тўрт юз минг) сўм пулларни олиб, фоҳишахона ташкил қилганлиги аниқланган.
Худди шу каби навбатдаги тезкор тадбир давомида Бухоро шаҳар “Кўксарой” кўчасида яшовчи, 1972 йилда туғилган М.А. исмли эркак, Бухоро шаҳар “т.Фароғий” кўчасида жойлашган ўз уйида о.У. билан Н.А.ларга жинсий алоқа қилишлари учун шарт-шароит яратиб бериб, эвазига улардан 200.000 (икки юз минг) сўм пул олиб, фоҳишахона ташкил қилганлиги фош этилган.
Мазкур иккала ҳолат юзасидан Ўзбекистон Республикаси ЖК нинг 131-моддаси тегишли бандларига асосан жиноят иши қўзғатилиб, дастлабки тергов ҳаракатлари олиб борилмоқда.
