22 киши, шу жумладан, Д. Тажимуратов, Л. Каллиханова, А. Турдановлар айбланувчи ҳисобланади. Айблов 11 та модда — безориликдан тортиб, конституциявий тузумга тажовуз қилиш доирасида эълон қилинди.
Гумондорларнинг 20 нафари ҳибсхоналардан, яна 2 нафари уйдан келиб, судда қатнашяпти.
Биринчи инстанцияда кўрилаётган ушбу суд жараёнига Қорақалпоғистон Республикаси судининг жиноят ишлари бўйича судлов ҳайъати судьяси Е. Абибуллаев раислик қилади.
