Олимлар гриппнинг барча 20 турига қарши универсал вакцина яратишда муваффақиятга эришганини маълум қилди.
Коронавирусга қарши вакциналарда муваффақиятли қўлланилаётган мРНК (MRNA) технологияси асосида яратилган ваксина барча маълум вирусларнинг элементларини ўз ичига олади ва, ҳатто пандемияга олиб келиши мумкин бўлган янги штаммлардан ҳам ҳимоя қилиши керак, деб хабар беради ВВС.
Барча жорий вакциналар вирус мутацияларини кузатиб бориш учун доимий янгиланишни талаб қилади ва бир хил ишончли ҳимояни тақдим эта олмайди. Ҳозирча янги вакцина фақат лаборатория ҳайвонларида синовдан ўтказилди, шунинг учун одамларнинг клиник синовлари олдинда. Бироқ, экспертларнинг фикрига кўра, универсал вакцина 2024 йилда пайдо бўлиши мумкин.
Потенциал жиҳатдан, бу, келажакда грипп пандемиясини бутунлай бартараф этувчи универсал вакцина яратиш имкониятини очиб беради.
