Бухоро туман ҳокими Хайрилло Жўраевнинг ташаббуси ҳамда саховатпеша тадбиркорлар кўмагида боқувчисини йўқотган, ижтимоий ҳимояга муҳтож, кам таъминланган оилаларнинг фарзандлари учун суннат тўйи ўтказиб берилди.
«Маликобод» тўйхонасига таклиф этилган 16 нафар ижтимоий ҳимояга муҳтож оилалар фарзандларига ҳомийларнинг совғалари – велосипедлар, ўйинчоқлар ва озиқ-овқат маҳсулотлари, ширинликлар улашилди.
Тадбирининг бадиий қисмида туман маданият бўлими санъаткорлари томонидан тайёрланган театрлаштирилган томоша, қўшиқ ва мусиқалар иштирокчиларга ўзгача кайфият, тадбирга байрамона шукуҳ бахш этди.
