Бухоро вилояти давлат солиқ бошқармаси томонидан вилоятда стол теннисини ривожлантиришга катта эътибор қаратилмоқда. Шу мақсадда стол тенниси федарсияси ва спортни ривожлантириш бошқармаси ҳамкорлигида “5 та муҳим ташаббус” доирасида турли мусобақалар ҳам ташкиллаштирилаяпти.
Ана шундай мусобақаларнинг навбатдагиси куни-кеча Бухоро Тиббиёт инситути қошидаги 1-сони академик лицейида ташкиллаштирилди.
Таъкидлаш лозим, стол тенниси бўйича спорт устаси, кўп карра Ўзбекистон чемпиони Азиз Вохидовнинг хотирасига бағишланган хотира турнири пойтахтимизда мунтазам ўтказиб келинади.
Ушбу анавий турнир бу гал Бухоро вилоятида ўтказилди. Унда республикамизнинг барча вилоятларидан келган 10 ёшдан 17 ёшгача бўлган ўғил-қизлар куч синашадилар.
Мазкур мусобақа ўтказилишидан асосий мақсад ёшлар ўртасида Олимпия ўйинлари туркумига кирувчи спорт турларини янада оммалаштириш ва терма жамоага янги истеъдодли стол теннисчиларни саралашдан иборат.
3 кун давом этган мазкур стол тенниси мусобақаларида турли ёшдаги 200 дан ортиқ ўғил-қизлар ғолиблик учун куч синашишди.
Қизиқарли кечган баҳсларда Бухоро шаҳар ҳамда Навоий ва Самарқанд вилояти терма жамоаси аъзолари пешқадамлик қилдилар.
Муросасиз ва кучли рақобат муҳитида ўтган спорт мусобақасининг якуний босқичида ғолиблар вилоят давлат солиқ бошқармаси ҳамда спортни ривожлантириш бошқармасининг қимматбаҳо совғалари, диплом ва медаллари билан тақдирландилар.
