Бугун вилоят Адлия бошқармаси бўлим бошлиғи Анвар Раҳмонов, вилоят Адлия бошқармаси бошлиғининг 1-ўринбосари Шерзод Баҳронов ва туман Адлия бўлими бошлиғи Зоҳид Ҳалимовлар бошчилигида Мирзоқул маҳалласида сайёр қабул бўлиб ўтди.
Қабулда аҳоли томонидан алимент пулини ундириш, янги газ ҳисоблагич ўрнатиб бериш, ичимлик суви, электр энергияси, табиий газ босимини ошириш, «Аёллар дафтари»га киритишга кўмак бериш сингари масалаларда 20 га яқин мурожаатлар келиб тушди. Шундан 6 таси жойида ҳал этилиб, 5 тасига ҳуқуқий тушунтириш берилди. Қолганлари эса тегишли масъулларга йўналтирилди.
Қабул давомида фуқаро аҳолини тадбиркорликка кенг жалб қилиш, хизмат кўрсатиш соҳасини кенгайтириш мақсадида ушбу ҳудудда яшовчи Олим Усмоновга ўзини банд қилиши учун 30 млн сўм имтиёзлик кредит маблағлари ҳисобига 3 ғилдиракли мототцикл берилди..
