Бухоро шаҳар ФХДЁ бўлимида пул йиғиш учун ташкил этилган хайрия қутисига муносабат

Ўзбекистон Республикаси Адлия вазирлиги томонидан барча ФҲДЁ бўлимлари, давлат хизматлари марказларига ташриф буюрувчи фуқароларда мавжуд муаммо ва таклифларни ўрганиш, ходимларнинг ножўя хатти-ҳаракати юзасидан мурожаат қилиш бўйича вазирликнинг ишонч телефонлари кўрсатилган шаффоф қутилар ташкил этилган.
Мазкур ҳолат Бухоро шаҳар 2-сон ФҲДЁ бўлимида юзага келганлиги маълум бўлди. Бўлимда мавжуд видеокузатув камералари орқали ўрганиш ва ФҲДЁ бўлимига давлат хизматини олиш учун келган фуқаро У.С билан ўтказилган суҳбат давомида мазкур қутидаги ёзувларга аҳамият бермаганлигини, касал ва ногирон шахслар учун ёрдам қутиси деб ўйлаб 1 000 (бир минг) сўмни «Хайрия» мақсадида ташлаганлигини маълум қилди.
Шу ўринда, фуқароларимизга барча ФҲДЁ бўлимларида ташкил этилган шаффоф қутиларга ва Адлия вазирлигининг «1008, 1148 Ишонч телефон»ларига ўзларининг соҳа бўйича муаммолари, таклифлари ва фикр-мулоҳазаларини қолдиришлари мумкинлигини маълум қиламиз.
Бухоро вилоят адлия бошқармаси Жамоатчилик билан алоқалар бўлими.