Бўлиб ўтаётган қабул давомида фуқаролардан моддий ёрдам, субсидия асосида уй-жой олиш, саломатлигини тиклаш, ишга жойлашиш, тикув машинка олиш, маиший газ баллон олиш сингари масалаларда 14 та мурожаатлар тингланиб, туман сектор раҳбарлари, соҳа масъуллари иштирокида муҳокама қилинди. Мазкур мурожаатлардан 8 таси жойида ҳал этилди.
Бобоҳайдарлик Гулчеҳра Шодмонова туман ҳокимининг бундан аввалги қабулида турар жойини таъмирлашда амалий ёрдам сўраб мурожаат қилган эди. Мурожаат қаноатлантирилиб, фуқаронинг хонадони таъмирдан чиқарилди. Шу муносабат билан Г.Шодмонова бугунги қабулда туман ҳокими Ж.Шароповга ўз миннатдорлигини билдирди.
