Мурожаат

Мен Жўраев Дилмурод Ромитан тумани Ҳазорбоғ қишлоғида истиқомат қиламан. 2018 йил сентябр ойидан бошлаб, Ромитан туман ҳокимлигига менга тегишли булган Ҳозорбог кишлогидаги «Сув иншоотлари» ермайдонини ПК-3928 сонли Президент қарорига мувофиқ узумзорга айлантириш таклифи киритилганди. Мен рози бўлмаслигимга қарамасдан, «солиқни оширамиз» туркумидаги тахдидлар билан мени ушбу дастурга мажбуран кирдирди ва менга 150 миллион сўмлик инвестиция киритиш мажбурияти юкланди.
Мен зиммамга юкланган барча мажбуриятларни бажардим ва инвестицион лойихам қониқарли деб баҳоланди ва керакли барча ҳужжатлар имзоланиб менга тақдим қилинди.
Ушбу хужжатларни 2019 йил Ромитан тумани ҳокимлигига тақдим қилганимда эса, «ҳужжатларингизни кўриб чиқяпмиз», «бугун келинг, эртага келинг» дея қуруқ ваъдалар билан мени алдашни бошлашди. Натижа чиқмаслигига кўзим етиб вилоят ҳокимлигига мурожаат қилганимда, ўша даврдаги туман ҳокими Х. Тохиров, ТИИБ раиси ва туман прокурори билан биргаликда менинг еримга ташриф буюришиб, мени ишимдан хато излашни бошлашди. Менга нимбатан «э сен ёзувчи экансану» ва «ўз ўрнингни билиб ўтир мен хохласан бу иш битади бўлмаси битмайди» дейилган сўзларга кўзимни юмиб, узр сўраб майли қилиб беринг дейишимга ва туман ҳокимининг менинг мурожаатим бажарилади дея хат беришига қарамасдан, яна ишим чала қолди. Ҳатто вилоят ҳокимлигидан 2021 йилда келган гуруҳ кўриб чиқиб, қониқарли дея топишига қарамасдан, менинг мурожаатим ўз ечимини топмасдан қоляпти.
Мен бир нафақалаги инсон бўлсам ва ўзим тушунадиган ниҳолчилик билан шуғулланиб турган бир жойда, менга шунча муаммоларни яратган туман ҳокимлиги, мени ҳеч қандай ҳосил олмай мунча солиқни қаерда тўлашимни бирор марта ҳам ўйлаб кўрганмикан. Президент қарори ҳамма вақт Халқ фаровонлигини оширишга қаратилган деб билардим, аммо шунга амин бўлдимки, Президент қарори қай маънода чиқмасин, туман ҳокимлик органлари ва бошқа мутасаддилар ҳар доим бу қарорни Халқни кафангадо бўлишига ва қарзга ботиб, қарзини узолмай бошқа давлатларда мардикорчилик қилишига ёки ўз мулкидан давлат органлари кўрсатган «каромати» сабабли ажралиб қолишиш сабаб бўляпти. Ишнинг энг қизиғи буни текширадиган хеч қандай мутасадди орган йўқ ва Ҳалқни қай аҳволда давлат қарорлари билан курашаётганини сўрайдиган инсон йўқ.