Вазирлар Маҳкамасининг 425-сон қарори 02.08.2022 йилда кучга кирди. Мазкур қарор билан “Халқ таълими ходимлари меҳнатига ҳақ тўлаш тўғрисида”ги низом 22-банд билан тўлдирилди.
Ушбу бандга кўра бўлиб ўқитиладиган фанлар бўйича гуруҳлардан бирининг ўқитувчиси турли сабабларга кўра дарсда бўлмаган ҳолатларда гуруҳлар қўшиб ўқитилади ҳамда қўшиб ўқитганлиги учун қўшимча ҳақ тўловлари амалга оширилмайди. Демак, эндиликда дарслар бўлиб ўтиладиган фанлардан дарс ўтадиган ўқитувчи вақтинча йўқ бўлган вақтда унинг гуруҳини ўзига қўшиб ўтган ўқитувчига қўшимча ҳақ тўланмайди.
Авваллари ВМ 297-сон қарори билан тасдиқланган низом 25-банди асосида бундай ҳолатда ўқитувчиларга 30 фоиз қўшимча ҳақ тўланарди.
