Президент Бухорода зиёрат туризми объектлари инфратузилмасини яхшилаш учун маҳаллий бюджетга 40 млрд сўм ажратиш топшириғини берди. Шунингдек, Индонезия, Малайзия, Ҳиндистон ва араб давлатларидан авиарейсларни кўпайтириш вазифаси қўйилди.
Бундан ташқари, мажлисда муқаддас жойлар, авлиё ва пирлар ҳақида маълумот бера оладиган мутахассислар ва гидлар ҳам камлиги айтилди. Шу муносабат билан Ислом академияси, «Ипак йўли» университетига зиёрат туризми оқими кўп бўлган давлатлар учун илмий асосланган ёндашувларни ишлаб чиқиш топширилди.
