«Бухоро-Агро иқтисодий зонаси»да ичимлик суви ва йўл тармоқлари қурилмагани юзасидан қуйидагилар маълум қилинди
Ўзбекистон Республикаси Президентининг 2018 йил
10 июлдаги ПҚ-3843-сонли “Бухоро-агро” эркин иқтисодий зонасини ташкил этиш чора-тадбирдари тўғрисида”ги қарорига мувофиқ Бухоро, Ромитан, Пешкў, Когон ва Жондор туманлари ҳудудидан жами 3008,1 гектар ер майдони замонавий иссиқхоналар қуриш учун “Бухоро-агро” эркин иқтисодий зонасига ажратиб берилган.
Ушбу Қарор асосида 2019-2022 йилларда “Бухоро-агро” ЭИЗ ҳудудида ифраструктурани ривожлантириш учун Республика бюджетидан қуйидаги ишлар амалга оширилди:
48,9 км. узунликдаги газ тармоғи ўтказилди;
36,7 км. узунликдаги электр энергия линияси ўтказилди;
74,7 км. узунликдаги ичимлик суви тармоғи ўтказилди;
15,9 км. узунликдаги ички хўжалик йўлларини қуриш-монтаж ишлари амалга оширилди;
39,6 км узунликдаги мелиорация ишлари амалга оширилди.
Ўзбекистон Республикаси Президентининг 2020 йил 18 декабрдаги ПҚ-4929-сонли “Худудларда мухандислик-коммуникация инфратузилмасини янада ривожлантириш чора-тадбирлари” тўғрисидаги Қарорининг 1-бандига асосан махсус иқтисодий ва кичик саноат зоналари ҳамда тўғридан-тўғри хорижий ва маҳаллий инвестициялар иштирокидаги йирик ишлаб чиқариш лойиҳаларининг ташқи муҳандислик-коммуникация тармоқларини қуриш тадбирлари, яъни ичимлик суви, оқова сув тармоқларини ҳамда автомобиль йўлларини қуриш, реконструкция қилиш ва таъмирлаш ишлари фақат Давлат бюджети маблағлари ҳисобидан амалга оширилади.
Ўзбекистон Республикаси Президентининг 2021 йил 30 апрелдаги ПҚ-5101-сонли ва 2022 йил 6 июньдаги ПҚ-271 сонли Қарорлари асосида эркин иқтисодий зоналаридаги Ичимлик суви тармоқлари ва автомобиль йўлларини ўтқазиб бериш шу соҳалар корхоналари томонидан амалга оширилади.
Қайд этиш керакки, газ тармоғи, ички йўл ва сув таъминоти тармоқлари эркин иқтисодий зонасида фаолият юритаётган ҳар бир иссиқхоналаргача етказиб берилмайди.
Ушбу тармоқлар эркин иқтисодий зона бош режасига асосан ҳудудлардаги асосий йўналишлар қисмидагина давлат бюджети ҳисобидан амалга оширилади.
