Янги тартибга асосан, пенсия тайинлашда ҳисобга олинган ўртача ойлик иш ҳақи миқдори 3 млн 240 минг сўмдан юқори бўлган пенсионерларнинг пенсиялари қайта ҳисоб-китоб қилиб чиқилади.
Пенсия жамғармасининг эслатишича, пенсиялар миқдори автоматик тарзда қайта ҳисоб-китоб қилинади, бунда пенсионерлар Пенсия жамғармасига мурожаат этиши шарт эмас.
Қайд этилишича, жамғарма ўртача ойлик иш ҳақи миқдори 3 млн 240 минг сўмдан юқори бўлган барча пенсионерларнинг пенсиялари қайта ҳисоб-китоб қилиниб, пенсияси ошадиган фуқароларга декабр ойида SMS хабар юборган. Жамғарма пенсия миқдори ошгани тўғрисида маълумотни @pensiyauzbot (https://t.me/pensiyauzbot) Telegram-боти орқали текшириб кўриш ёки 1140 ишонч телефонига мурожаат қилишни сўраган.
