Ҳукуматнинг тегишли топшириғи билан, 2024 йил 1 апрелдан бошлаб автомашиналар бўйича мувофиқлик сертификати кимнинг номига берилган бўлса, ўша шахснинг номига импорт божхона режимига расмийлаштирилади.
Бошқа жисмоний ёки юридик шахс номига берилган мувофиқлик сертификати асосида транспорт воситалари импорт божхона режимига расмийлаштирилмайди.
Божхона омбори режимидаги товарни бошқа шахсга ўтказиш нормасини автотранспорт воситаларига нисбатан татбиқ этмаслик бўйича норматив-ҳуқуқий ҳужжатларга ўзгартириш киритиш тўғрисида ҳукуматга таклиф киритиш топшириғи ҳам берилибди.
Қисқа қилиб тушунтирганда, бу нима дегани? Илгари хусусий автосалонлар электромобилларни Хитойдан жисмоний шахс номига сотиб олиб, Тошкентда автосалон номига расмийлаштириб оларди ва «счет-справка» (ҳисоб-маълумотномаси) билан ҳақиқий автосалон талаблари билан сотишарди. Энди ўша жисмоний шахслар номига расмийлаштирилган машина ўша шахснинг ўзигагина растаможка қилиб берилади ва у агар машинани сотмоқчи бўлса, фақат иккиламчи бозор шарти бўйича машинани сотиши мумкин бўлади.
