Ҳозирги кунда вилоятимиз абитуриентлари томонидан Давлат тест марказига “Абитуриент рухсатномаси”ни олиш бўйича кўплаб мурожаатлар келиб тушмоқда.
Маълумки, абитуриентларга олий таълим муассасаларининг бакалавриат таълим йўналишларига ўқишга кириш тест синовларида иштирок этиш учун “Абитуриент рухсатномаси” тақдим этилади.
Унда абитуриентнинг шахсий маълумотлари билан бирга, тест топшириш ҳудуди, тест топшириладиган сана ва вақт, тест ўтказиладиган бино, тест топшириш сменаси ва гуруҳ рақами каби бир қатор маълумотлар акс этади.
Рухсатномани шакллантириш ва абитуриентларга етказиш учун тест синовларини ўтказиш муддатлари белгиланган бўлиши керак.
Эслатиб ўтиш жоизки, юртимизда карантин чекловлари давом этаётганлиги сабабли олий таълим муассасаларининг бакалавриат таълим йўналишларига ўқишга кириш тест синовларини ўтказишнинг аниқ муддатлари ҳали белгиланмади.
Тест синовларини ўтказиш муддатлари юртимиздаги эпидемиологик вазият барқарорлашгандан сўнг Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан белгиланади.
Тест синовларини ўтказиш муддатлари белгилангач, “Абитуриент рухсатномаси” шакллантирилади ва абитуриентлар Давлат тест марказининг расмий веб-сайти (аbitur.dtm.uz) орқали рухсатномани юклаб олишлари мумкин. Бунинг учун абитуриент аккаунтига бириктирилган телефон рақамини юқотмаслиги шарт.
Тест синовларини ўтказиш муддатлари белгиланганда, Давлат тест марказининг расмий веб-сайти, ижтимоий тармоқлардаги саҳифалари ва оммавий ахборот воситалари орқали эълон қилинади.
Buxoro dan man
Qachon bolib utadi deteme berish