Маълумки, таъминот корхоналари томонидан ҳудудларда тадбиркорларнинг электрдан фойдаланиш ҳолатларида қонун бузилишларини аниқлаш учун рейд ва бошқа назорат тадбирларини амалга оширмоқда. Бизнингча, бу ноқонуний, чунки таъминот корхоналари “Ҳудудий электр тармоқлари” АЖга қарашли бўлиб, тадбиркорлик субъекти ҳисобланади ва тадбиркорнинг бошқа бир тадбиркорни текшириши мантиққа зиддир. Бундан ташқари, КАБМИН қарори билан бу соҳада назорат алоҳида инспекцияга юклатилган.
Вазирлар Маҳкамасининг 2018 йил 12 январдаги 22-сон қарорига 1-ИЛОВА сифатида тасдиқланган Электр энергиясидан фойдаланиш ҚОИДАЛАРИнинг 6-бандига кўра, электр энергиясини ишлаб чиқариш, узатиш, тақсимлаш, истеъмол қилиш соҳасидаги норматив-ҳуқуқий ҳужжатлар, техник қоидалар ва меъёрлар талабларига риоя қилиниши юзасидан давлат назорати қонун ҳужжатларига мувофиқ Ўзэнергоинспекция томонидан амалга оширилади.
