“Ҳудудгазтаъминот” АЖ ўз абонентлари – юридик шахсларнинг газ ҳисоблагичларидан маълумотларни реал вақт режимида узатиш учун зарур бўлган сим-карталарни ўрнатиш ва мобил интернет учун тўловларни амалга ошириш билан боғлиқ харажатлари қоплаб берилишини эълон қилади.
Таъкидлаш керакки, бугунги кунда 65,4 мингдан ортиқ тадбиркорлар “Ҳудудгазтаминот”АЖнинг истеъмолчилари ҳисобланади. Улар орасида – 4,8 мингдан ортиқ йирик газ истеъмолчилари, 53,4 минг нафари – кичик ва ўрта бизнесда фаолият юритувчилар ҳамда 7,1 мингдан ортиғи эса ижтимоий соҳа вакилларидир. Шуниси эътиборлики, бу йил истеъмолчилар базасида сезиларли ўсиш кузатилди ва 7,6 минг тадбиркор акциядорлик жамиятининг янги мижозларига айланди. Йил бошидан буён юридик шахсларнинг эҳтиёжлари учун 4,8 миллиард куб метрдан ортиқ газ етказиб берилди, бу эса ўтган йилнинг шу даврига нисбатан 5 фоизга кўп демакдир.
Тадбиркорларга қулайлик яратиш ва уларнинг вақтини тежаш, шаффоф ва ҳалол ҳисоб-китоб механизмини жорий этиш мақсадида юридик шахсларнинг газ ҳисоблаш ускуналарига кўрсаткичларни “Ҳудудгазтаминот” АЖ тизимига онлайн тарзда узатувчи 69 минг 755 дона модем ўрнатилди. 2022 йил 22 августдан бошлаб “Ҳудудгазтаминот” АЖ газ таъминоти тармоқларига уланган юридик шахсларнинг газ истеъмолчи кўрсаткичларини реал вақт режимида узатиш учун зарур бўлган сим-карталарни ўрнатиш ва мобил интернет учун тўловларни амалга ошириш билан боғлиқ харажатларни қоплаб беради. Умумий харажат ойига 160-170 млн. сўмни ташкил этади. Шу туфайли юридик шахслар, шу жумладан тадбиркорлик субъектлари истеъмол қилинадиган табиий газ учун кўрсаткичларни юбориш билан боғлиқ муаммоларни унутишади, ўзаро ҳисоб-китобларда ортиқча оворагарчиликлардан халос булади ва тежалган пулларни бошқа эҳтиёжлари учун йўналтирилишлари мумкин бўлади.
