Муҳтарам Президентимиз Шавкат Мирзиёев томонларидан 2024 йил « Ёшлар ва бизнесни қўллаб-қувватлаш йили» деб эълон қилинди, биз маҳалла ёшлар етакчилари учун яна бир юксак ишонч десам муболаға бўлмайди.
Бугунги кунда ёшларимизга катта эътибор қаратилмоқда оддийгина мисол келтирадиган бўлсам. Муҳтарам Президентимиз 2023 йил 11 апрелдаги йиғилишларида «Давлат ғамхўрлиги ва эътиборини кутаётган ҳамда кўмакка муҳтож ёшлар яъни »аҳволи оғир« тоифадаги ёшларга алоҳида эътибор қаратилиши лозимлиги таъкидлаб ўтилди. »Аҳволи оғир« тоифадаги ёшларга,раҳбарлар бириктирилди ва улар ёшларнинг ҳаётга ўз ўрнини топишга кўмаклашишди. Маҳаллам мисолида айтадиган бўлсам, Бухоро шаҳар »Ҳамид Олимжон« маҳалла фуқаролар йиғинида 21 нафар ёш »аҳволи оғир« тоифага киритилган улар билан ҳар битта раҳбар келиб мулоқот қилиб муаммолари ўрганиб жойида ечилди. Раҳбар келиб ёшлар билан мулоқот қилиш вақтларида шундай дейдилар: »Сизлар менинг болаларим сизлар нима масалаларингиз бор менга чиқиб айтинглар«- дейдилар бу ёшлар жуда ҳам катта бахт ҳисобланади.Қисқа қилиб айтганда,биз ёшлар етакчиларига муҳтарам Президентимиз Шавкат Мирзиёев томонларидан барча шарт- шароитлар яратиб берилган биз улардан қай даражада фойдаланиш сизу бизга боғлиқ. 2023 йил декабрь ойида бўлиб ўтган »Йилнинг энг намунали маҳалла ёшлар етакчиси кўрик-танловининг« Республика босқичида айнан, Давлат ғамхўрлиги ва эътиборини кутаётган ҳамда кўмакка муҳтож ёшлар яъни »аҳволи оғир« тоифадаги ёшлар билан ишлаш йўналиши бўйича иштирок этдим Бухоро вилоятидан жами 10 нафар маҳалла ёшлар етакчилари иштирок этиб, муносиб ўринларни эгалладик.
Мен шахсий ташаббусим билан ижтимоий ҳимояга муҳтож оила фарзандларидан 10 нафар ёшни бепул инглиз тили курсига йўналтирганман ҳозирги пайтда улар таҳсил олмоқда.
Мен битта шиорни ўзимга шиор қилиб олганман »Ҳеч ким эътибор ва меҳрдан четда қолмас« бу шиорнинг замирида »Инсон қадри« мужассамдир.
2024 йил учун лойиҳаларимиз жуда ҳам катта-катта, ҳар бир биттасини босқичма-босқич амалга оширамиз ва маҳалламиз ёшларини ҳар томонлама қамраб оламиз уларнинг бўш вақтларини самарали ташкил қилиб маҳалламизни жиноятчиликдан ҳоли ҳудудга айлантирамиз.
Исматов Мустафо
Бухоро вилояти, Бухоро шаҳар
“Ҳамид Олимжон” маҳалла фуқаролар ёшлар етакчиси.
