Бу ҳақида Бухоро вилоят ИИБ ахборот хизмати хабар қилмоқда.
Унга кўра, Ғиждувон тумани “Позагари” маҳалласида яшовчи 1989 йилда туғилган Р.Қ. ҳамда туманнинг “Шарқ” маҳалласида яшовчи 1986 йилда туғилган Н.А. исмли шахслар жиноий тил бириктириб бир фуқарога қалбаки 10 минг АҚШ долларини 5 минг ҳақиқий АҚШ долларига сотишга келишишади.
ДХХ, Прокуратура департаменти ҳамда Ички ишлар бошқармаси ЖҚБ ходимлари ҳамкорлигида ўтказилган тезкор тадбир давомида ушбу шахслар ушланди.
Булар Ғиждувон тумани “Ю.Хамадоний” кўчасида жойлашган “Бек” ресторани орқасида жойлашган автотураргоҳда учрашиб қалбаки 8.300 АҚШ долларини бериб, қолган 1.700 қалбаки АҚШ долларини тез кунда етказишларини айтиб 5 минг долларни олган вақтларида ашёвий далиллар билан ушланди.
Мазкур ҳолат юзасидан Жиноят кодексининг 176-моддаси 2-қисми билан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.
