6 ноябрь куни соат 21:30 дан соат 00:10 га қадар бўлган вақт оралиғида 2008 йилда туғилган Ғиждувон тумани «Памўза» маҳалласида яшовчи ҳамда 2009 йилда туғилган Самарқанд вилояти Самарқанд шаҳрида истиқомат қилувчи вояга етмаган шахслар Ғиждувон тумани «Ҳавзак» маҳалласи ҳудудидан ўтувчи М-37 автомобиль йўлининг 225-км.да йўл бўйида қаровсиз қолдириб кетилган оқ рангли «ҲАФEИ СОНГ ҲУА ЖИАНГ» русумли юк автомашинасини олиб қочганлар.
Мазкур ҳолат бўйича вилоят ҳамда туман ИИБ ходимлари томонидан «Тўсиб ушлаш» махсус тезкор режаси ҳаракатга келтирилиб, олиб борилган кечиктириб бўлмас тезкор тадбирлар натижаси автомашина ўғрилари ушланди.
Ҳозирги кунда ҳолат юзасидан Ўзбекистон Республикаси Жиноят Кодексининг 267-моддаси билан жиноят иши қўзғатилиб, тергов ҳаракатлари олиб борилмоқда.
