⚡️Бухоро давлат университети Ёшлар иттифоқи бошланғич ташкилоти ташаббуси билан «Келажак бунёдкорлари» форумининг 2-мавсуми ўтказилди.
⏺Ушбу форумнинг меҳмони ўзбек дзюдочиси, Бухоро давлат университети ўқитувчиси, «Ўзбекистон ифтихори» фахрий унвони соҳиби, Рио-2016 Паралимпия ўйинлари чемпиони, Жаҳон чемпионати совриндори, икки карра Осиё чемпионати ғолиби, икки карра Ёзги Параосиё ўйинлари ғолиби ҳамда кўплаб халқаро турнирлар совриндори Шерзод Намозов бўлди.
Давра суҳбати шаклида ўтказилган мазкур форумда талаба-ёшлар, фаол волонтёрлар билан очиқ мулоқот ташкил қилинди.
💬 «Мен волонтёрларни жуда ҳам ҳурмат қиламан» – дейди форум меҳмони. Шунингдек, спортчи талабаларни илм олиш, спорт билан мунтазам шуғулланиш, чет тилларини ўрганишга чорлади.
«Ҳар бирингиз олдингизга катта мақсад қўйиб, мақсадингиз сари интилинг. Шунда муваффақият сизники бўлади», деб ёшларга ўз маслаҳатларини берди Шерзод Намозов.
✏️Шунингдек, учрашувда ўзаро фикр алмашган ҳолда, талаба-ёшлар ўзларини қизиқтирган саволларга атрофлича жавоблар олишди.
