2022 йил 27-28-май кунлари Наманган шаҳар “Ҳидоя” ўрта махсус ислом билим юртида “Баркамол авлод-2022” спорт мусобақасининг Республика босқичида спортнинг “стол тенниси” ва “шахмат” турлари бўйича аёл-қизлар ўртасида мусобақа бўлиб ўтди. “Шахмат” бўйича мусобақада “Жўйбори Калон” аёл-қизлар ўрта махсус ислом таълим муассасаси 2-курс талабаси Нодира Назирова 1-ўринни, “Стол тенниси” бўйича мусобақада Ойдинисо Мамасолиева 2-ўринни қўлга киритишди.
Шунингдек, 1-2 июнь кунлари Тошкент ислом институтида “Ягона олимпиада-2022”нинг якуний республика босқичи бўлиб ўтди. Олимпиадада талабалар Араб тили, фиқҳ ва ақоид фанлари бўйича синовдан ўтказилди. “Жўйбори Калон” ЎМИТМнинг 3-босқич талабаси Сайфуллаева Ўғилой мазкур танловда 3-ўрин соҳибаси бўлди. Бунинг замирида мазкур илм даргоҳида фаолият юритиб келаётган устоз ва мураббийларнинг неча йиллик машаққатли меҳнати кўриниб турибди. Таълим муассаса жамоаси, педагог-ўқитувчилари ва ишчи-ходимлари ҳамда талабаларнинг чуқур илм олишлари учун етарли шарт-шароитларни яратиб, бу йўлда мунтазам тарғиб қилиб келаётган ва уларнинг ҳар бир ютуқларини рағбатлантириш орқали уларни маънавий-маърифий юксалишларига сабабчи бўлаётган “Жўйбори Калон” аёл-қизлар ўрта махсус ислом таълим муассасаси директори А.Х.Иноятовнинг хизматлари беқиёс ва беназирдир.
Н.К.Рахимова,
Таълим муассаса ўқув, малака ошириш ва қайта тайёрлаш бўлими бошлиғи.
М.С.Бозорова,
“Ҳадис” фани ўқитувчиси.
