Табиий газ истеъмолчиларига ўрнатилаётган замонавий ҳисоблагичлар уларнинг тўлов маданиятини ошириш, ортиқча газ сарфининг олдини олишда хизмат қилар экан, ҳар бир истеъмолчи ўз фуқаролик позитсиясидан келиб чиққан ҳолда ундан тўғри фойдаланиши лозим.
Таъкидлаш лозим, «ақлли» ҳисоблагичлар «Ҳудудгазтаъминот» АЖ ҳисобидан бепул ўрнатилмоқда. Шундай экан, қуйидагиларга амал қилиш талаб этилади.
- Ҳисоблагични ўрнатиш, ечиш ҳамда профилактик текширишга фақат газ тармоқлари операторлари ёки ихтисослаштирилган ташкилотларнинг бундай ишларни амалга ошириш учун тегишли рухсатномасига эга бўлган ходимларига рухсат этилади.
- Ҳисоблагични ўрнатиш ва ечиш бўйича барча ишлар ҳисоблагич ўрнатилган газ қувурида газ босими бўлмаганда амалга оширилади;
- Ҳисоблагич эгаси ҳисоблагич сиртининг тозалигига эътибор қаратиши шарт. Бунинг учун совунли эритма ва бошқа ювиш воситаларидан фойдаланиши мумкин;
- Ҳисоблагични тез ёнувчан воситалар билан тозалаш тақиқланади;
- Истеъмолчи ҳисоблагични мустақил равишда таъмирлаши, корпусининг ичини очиши, ўрнатилган жойдан ечиб олиши мумкин эмас;
- Ҳисоблагичга ташқи зарар етказиш ман этилади;
- Истеъмолчи ҳисоблагични соз ҳолатда сақлаш ҳамда хавфсизлигини таъминлашга масъулдир!
Унутманг! Ҳисоблагичнинг ўзига ҳамда бутловчи қисмларига етказилган зарар тўғрисидаги маълумотлар автоматик тарзда маълумотларни қайта ишлаш марказига жўнатилади ва сақланади.
