Ўзбекистон Республикаси давлат мустақиллигининг 32 йиллик байрами арафасида Вобкент туманининг “Вобкент” маҳалла фуқаролар йиғинида туман ҳокимлиги ташаббуси билан 8 млрд сўмдан ортиқроқ маблағ сарфланиб, қисқа фурсатда ҳашар йўли билан бунёд этилган Ёшлар боғининг тантанали очилиш маросими бўлиб ўтди.
Мазкур боғнинг фойдаланилишига топширилишига бағишланган тадбирда Ф.Умаров бошчилигида секторлар раҳбарлари, нуронийлар, фаоллар, ёшлар, кенг жамоатчилик вакиллари иштирок этди.
Тадбирда туман ҳокими сўзга чиқиб, Ўзбекистон Республикаси Президентининг 2022 йил 19 январдаги ПҚ-92-сонли қарори ҳамда 2023 йил 11 апрель куни Президент Шавкат Мирзиёев раислигида ёшлар сиёсати соҳасидаги ишлар натижадорлигини ошириш чора-тадбирлари юзасидан видеоселектор йиғилишида берилган топшириқлари ижросини туманда таъминлаш, 76500 дан ортиқ ёшларнинг бўш вақтини мазмунли ташкил этиш мақсадида туман марказида кўнгил очар “Ёшлар сайилгоҳи” ташкил этиш режалаштирилганлигини, шу муносабат билан туман марказида, бутун бир ҳафта давомида кечаю кундуз ишлайдиган “Ёшлар сайилгоҳи”ни ёшлар ихтиёрига топширилишини таъкидлаб ўтди.
Ёшлар сайилгоҳи ёшларининг мароқли ҳордиқ чиқаришлари учун туман марказида қиймати 8 млрд.сўмдан ортиқроқ бўладиган 1,9 гектар майдонда жойлашган бўлиб сайлгоҳда дам олиш майдонлари, фавворалар майдони, овқатланиш объектлари жой олган.
Хиёбонда азиз ёшлар учун кино кечалари, рақслар, маданий-маърифий тадбирлар, викториналар, «Қувноқлар ва зукколар» ва бошқа билимга чорлайдиган томошалар йўлга қўйилади.
Ушбу кўнгилочар “Ёшлар сайлгоҳи” ёш авлодни юксак маданиятли, теран фикрловчи, ватан равнақига ўз ҳиссасини қўшадиган ёшларимиз учун узоқ йиллар хизмат қилади.
