Вобкент туман тиббиёт бирлашмасига қарашли Кўп тармоқли марказий поликлиникасида 9 та махалла 14 та тиббий бригада 15 нафар оила шифокори 40 нафар патронаж ҳамширалар бирламчи тизимда фаолият олиб боряптилар.
Поликлиникада беморларни қабул қилиш хонаси, муолажа хоналари, қон олиш таҳлил хонаси, ЭКГ ҳамда УЗИ хоналари, лор, окулист, стоматолог, акушер-гинеколог, қизлар гинекологи, УАШ хоналари, мамография хизмати ташкил этилган бўлиб аҳолига сифатли тиббий хизмат кўрсатиб келмоқда.
Ҳозирги вақтда туманда Универсал –прогрессив модел асосида тиббий бригадалар фаолият олиб бормоқда.
Кўп тармоқли марказий поликлиника мудири Ш.Ахмедова ва катта ҳамшираси У.Зухурова томонидан патронаж ҳамшираларга универсал-прогрессив модел бўйича олиб борилаётган ишларини янада кучайтириш, уларга кундалик бажариладиган ишларни тузиш ва ташрифларни режалаштириш, ҳомиладорлар ва ёш оналар билан суҳбатлар олиб бориб, хонадонларга ташриф вақтида патронаж ҳамшираси боланинг саломатлиги ва фаровонлигига хавф солувчи ижтимоий хавф омилларига, касалликларнинг олдини олиш, ота- она ва боланинг ўзаро боғлиқлигини оширишга йўналтирилган муаммоларни вақтида аниқлаш, она ёки отанинг депрессия ҳолатини баҳолаш, нотинч оилавий муносабатларининг мавжудлиги, ота-онада ижобий тарбия кўникмаларнинг йўқлиги каби муҳим жиҳатларга эътиборни қаратиш лозимлигини уқтирдилар.
