Ўзбекистон Республикаси Вазирлар Маҳкамасининг 2020-йил 14-декабрдаги “2020-2025-йилларда китобхонлик маданиятини ривожлантириш ва қўллаб-қувватлаш миллий дастурини тасдиқлаш тўғриси”да 781-сонли қарори асосида умумтаълим мактабларнинг ўқувчиларни қўллаб-қувватлаш, ёшларимизни ўзликни англаш, миллий ва умуминсоний қадриятларга ҳурмат руҳида тарбиялаш, улар ўртасида китобхонлик маданиятини кенг оммалаштириш мақсадида 8-9 синф ўқувчилар ўртасида “Ёш китобхон” шиори остида туман ҳокими кубоги эълон қилинган эди.
“Ёш китобхон” шиори остида туман ҳоким кубоги Пиримқул Қодировнинг “Юлдузли тунлар” асари асосида 8-9 синф ўқувчилари ўртасида ўтказилди.
Ушбу асарнинг ўқиш муддати 2023-йил 15-апрелдан 9-майга қадар давом эттирилиши айтилган эди.
“Ёш китобхон” шиори оситида туман ҳоким кубоги ғолиблари туман ҳокимлиги ишчи гуруҳи томонидан 2023-йилнинг 15-майга қадар аниқланади. Ғолиблар туман ҳокими Ф.Умаров томонидан қимматбаҳо совғалар (Нотебоок, Телевизор, Микро тўлқинли печ ва бошқалар) билан 25-май куни тақдирланиши айтиб ўтилди.
Шу муносабат бугун 11-май куни Мактабгача ва мактаб таълими бўлимига қарашли умумтаълим муассасаларининг 8-9-синф ўқувчилари ўртасида 1-сектор туман ахборот кутубхона марказида, 2-сектор 6-умумтаълим муассасасида, 3-сектор 24-умумтаълим муассасасида, 4-сектор 16-умумтаълим муассасасида ўтказилди.
Секторлар кесимида ташкил этилган танловда фаол иштирок этиб 1-, 2- ва -3-ўринларни эгаллаган ўқувчилар Мактабгача ва мактаб таълими бўлими томонидан эсдалик совғалари билан тақдирландилар.
