«Яшил макон» умуммиллий лойиҳаси доирасида Вобкент туманида манзарали, мевали дарахт ва бута ниҳолларини экиш орқали иқлим шароитларини яхшилаш борасида самарали ишлар йўлга қўйилди. Бунинг биргина мисоли сифатида, Вобкент туманининг марказида жойлашган “Ёшлар сайлгоҳи”да туман ҳокими ташаббуси «Яшил макон» умуммиллий лойиҳаси доирасида амалга оширилаётган ишларни келтиришимиз мумкин.
Сайлгоҳда боғ барпо этиш учун ташриф буюрган туман ҳокими бошчилигида сектор раҳбарлари, корхона-ташкилот ходимлари, нуронийлар, ёшлар ва тадбир иштирокчилари эзгу тилаклар билан ниҳолларни бирин кетин экишди. Ниҳолларни экиш жараёнларида кўчат экаётганлар ўзларида келажакка янгича ишонч, янгича куч ва шижоат ҳисси пайдо бўлганлигини таъкидлашди.
Шунингдек, бугун Бухоро Давлат ўрмон хўжалиги томонидан 600 га яқин манзарали ва мевали дарахт кўчатлари олиб келинди. Янги ниҳолларни яхши ниятлар билан экишга қўл уришди. Юқоридаги амалга оширилаётган эзгу ишлар нафақат табиатимизнинг мусаффолигини асрайди, балки аҳолимизнинг ҳўл меваларга бўлган эҳтиёжини тўлдириб, бозор иқтисодиётига ҳам ўз ҳиссасини қўшишига имкон беради.
