Юртимизнинг барча жойларида бўлгани сингари Вобкент туманидаги “Нодиршоҳ” тантаналар базмгоҳида ҳам байрам ҳар қачонгидан ҳам кенг ва файзли нишонланди. “Устоз” номи билан аталувчи базмгоҳга таклиф этилган меҳнат фахрийлари, халқ таълими аълочилари, ўзларининг ютуқлари билан турли танловларда ғолиб чиққан педагоглар байрамни шоди-хуррамлик билан кутиб олдилар. Тадбирда иштирок этган туман ҳокими Ф.Умаров йиғилганларни байрам билан муборакбод этар экан, кейинги йилларда мамлакатимизда халқ таълимига алоҳида эътибор берилаётганлигини, бундан педагоглар ниҳоятда мамнун эканлигини алоҳида таъкидлади.
Шу билан бир қаторда 2022 йилда инвестиция дастури асосида Республика бюджети маблағлари ҳисобидан 8-умумий ўрта таълим мактаби ҳамда 34-умумий ўрта таълим мактаблари 8,900 млрд. сўм маблағ ҳисобида мукаммал таъмирланди.
Бундан ташқари “Обод қишлоқ” давлат дастури асосида “Ниёзхўжа” МФЙ ҳудудида жойлашган 19-умумтаълим мактаби биноси 2,860 млрд. сўм маблағ ҳисобида реконструкция ишлари ҳамда “Хайрхуш” МФЙ ҳудудида жойлашган 24-умум-таълим мактаби биноси 3,400 млрд сўм маблағ ҳисобида реконструкция ишлари амалга оширилгани,
Ўзбекистон Республикаси Президентининг 2022 йил 14-апрелдаги “Президент таълим муассасалари агентлиги тизимидаги ихтисослаштирилаётган мактаблар тармоғини кенгайтириш тўғриси”даги ПФ-106-сонли Фармони асосида туманимиздаги 6-сонли ихтисослаштирилган давлат умумтаълим мактаб интернати замонавий агентлик мактабига айлантирилди. 3,650 млрд сўм маблағлар эвазига реконструкция ишлари якунланди. Туманимизда ташкил этилган энг замонавий агентлик мактабидаги физика, кимё, информатика, технология, инглиз тили ўқув хоналари ҳамда мактабнинг спорт зали замонавий жиҳозлар билан тўлиқ таъминланди.
Жорий йилнинг ўзида маҳаллий бюджет маблағлари ҳисобидантумандаги 10 та умумий ўрта таълим мактабларидатаъмирлаш ишларини олиб бориш учун жами 1.5 млрд сўм маблағлар йўналтирилган. Бундан ташқари 2022 йил март ойида маҳаллий бюджети ҳисобидан қиймати 1084.6 млн сўмлик 176 дона замонавий компютер жиҳозлари 11 та таълим муассасаси учун олиб берилди. 2022 йилга тумандаги олий тоифали ўқитувчилар сони 310 нафар ёки 15,0 фоизга, биринчи тоифали ўқитувчилар 510 нафар ёки 24,0 фоизга, иккинчи тоифали ўқитувчилар 710 нафар ёки 34,0 фоизга ошди, шунингдек, мутахассис тоифадаги ўқитувчилар 508 нафар ёки 21 фоизга камайди.
Шунингдек, бир гуруҳ илғор педагогларга ҳокимликнинг эсдалик совғалари ҳамда ташаккурномалари топширилди.
