Вобкент туманининг ҳар бир маҳалла ва кўчаларида олиб борилаётган қурилиш, бунёдкорлик ишларига кўрк бериш билан бирга фуқароларга қулайликлар яратилмоқда.
Ўзбекистон Республикаси Президентининг 2022 йил 25 октябрдаги ПҚ-408-сонли “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги қарорига асосан лойиҳа қиймати 2 млрд. сўм бўлган “Анжирбоғ” МФЙ ҳудудидан ўтувчи умумфойдаланувдаги 4К-149 автомобиль йўлининг 1 км. қисмини таъмирлаш ва 1 км. пиёдалар йўлаги қуриш ишлари Ромитан йўллардан мунтазам фойдаланиш унитар корхонаси томонидан бошлаб юборилди.
Бугун Вобкент туман ҳокими Ф.Умаров ушбу ҳудудда амалга оширилаётган ишлар билан танишиб, қурувчиларга қурилиш ва таъмирлаш ишларини сифатли қилиб бажариш тўғрисида кўрсатма ва тавсиялар берди.
