Бугун туман ҳокими Фарҳод Умаров туман ҳокимлиги йиғилишлар залида интенсив боғлар барпо этиш бўйича боғбон ва фермер хўжаликлари раҳбарлари билан учрашди.
Йиғилишда туман ҳокими Ф.Умаров юртимизда етиштириладиган маҳсулотларни экспортбоб қилиш учун янги интенсив боғлар ташкил қилиш кераклиги ҳақида тушунча бериб ўтди.
Эътиборли томони, эндиликда ушбу тармоқ кенг кўламда ривожланади. Масалан, узум плантациялари учун субсидиялар ажратилади.
Йиғилишда жаҳон бозорида хўраки узумга талаб ортиб бораётгани, майиз ва табиий вино маҳсулотлари ҳам харидоргир экани, шу боис, бугун мамлакатда узумчиликни илғор тенденциялар асосида ривожлантириш зарурлиги алоҳида таъкидланди. Шундан келиб чиқиб, узум етиштиришда ҳам замонавий усулларни кенг жорий этиш, токзорлар маҳсулдор бўлиши учун биринчи навбатда ток илдизларининг ривожланиши учун оптимал шароит-яхши сув-ҳаво ва озуқа режимини яратиш, бунинг янгича технологияларини ўзлаштириш зарурлиги, ҳақида туман ҳокими Ф.Умаров ва мутасадди ташкилотлар раҳбарлари томонидан тушунча бериб, фермер хўжалиги раҳбарлари томонидан тушган саволларга жавоб берилди.
