Вобкент туманидаги “Нодиршоҳ” тантаналар мажмуасида “Халқаро ҳамширалар куни” муносабати билан байрам тадбири бўлиб ўтди. Тадбирда туман ҳокимлиги, соғлиқни сақлаш бўлими раҳбар ва ходимлари, соҳада кўп йиллар меҳнат қилган фахрийлар ҳамда энг фаол тиббиёт ходимлари иштирок этди.
Тадбир аввалида Вобкент тумани ҳокими ўринбосари Ш.Ҳусенов барча ҳамшираларни касб байрамлари билан қутлаб, уларнинг фидокорона меҳнат фаолиятларига улкан муваффақиятлар тилади. Соҳада амалга оширилаётган ислоҳотлар натижасида, эндиликда тиббий хизматнинг асосий вазифаси касалликларни даволаш эмас, балки уларнинг олдини олишга, аҳолининг саломатлик кўрсаткичларини яхшилашга, узоқ умр кўришига ҳисса қўшишга йўналтирилганлиги билан аҳамиятли экани таъкидланди.
Тадбирда инсон саломатлиги учун масъул, ҳаётимиз мазмунли ва бардавом бўлиши учун жон куйдираётган, ўз саломатлигини ҳам унутиб, бошқаларга ҳаётини бахшида қилаётган, фидойи бир гуруҳ энг фаол тиббиёт ходимларига туман ҳокимининг фахрий ёрлиқ ва қимматбаҳо совғалари топширилди.
Қолаверса ҳозирги кунда туманимизда 1255 нафар ҳамширалар фаолият олиб бораётган бўлиб, тоифали ҳамширалар сони 443 та нафарни ташкил этиб, шундан 10 нафари олий маълумотли, 279 та олий тоифали, 87 нафари 1-тоифали, 77 нафари 2-тоифали ҳамшираларни ташкил қилмоқда.
Тўкин дастурхон атрофида ташкил этилган байрам тадбирида санъаткорлар ва тиббиёт ходимлари томонидан ижро этилган концерт ва саҳна кўринишлари дастури йиғилганларга хуш кайфият улашди.
