Вобкент тумани меҳнаткашларининг 2022 йилги қишлоқ хўжалик мавсумининг муваффақиятли якунларига бағишланган анъанавий «Ҳосил байрами» тадбирлари ўтказилди. Байрам туман марказида жойлашган “Ёшлик” ўйингоҳи кенглик ҳудудида халқ сайли сифатида ташкил этилди.
Тадбирда Бухоро вилояти ҳокими Ботир Зарипов бошчилигида сектор раҳбарлари, Вобкент туман ҳокими Ф.Умаровлар сўзга чиқиб, байрам тадбири иштирокчиларини вилоят миқёсидаги пахта терими етакчилиги билан табриклаб, деҳқон ва фермерлар, уларга ёрдам берган корхона ва ташкилотлар, туманнинг барча меҳнаткашларига миннатдорчилик билдирди.
Жорий йилги мавсумда юқори кўрсаткичларга эришган ҳамда туман пахта хирмонига салмоқли ҳисса қўшган барча ҳудудлар, корхона ва ташкилотлар, агрофирмалар, илғор фермерларга туман ҳокими Ф.Умаров томонидан қимматбаҳо совғалар топширилди. Умуман, мавсумда фаол иштирок этган, туман қишлоқ хўжалиги соҳаси ривожига ҳисса қўшган ҳар бир инсон, ҳар бир жамоа муносиб рағбатлантирилди.
Бундан ташқари пахта ва ғалла мавсумида жонбозлик кўрсатгани учун Вобкент тумани Ал-Бухорий ҳудуди раҳбари Жаҳонқулов Аббосга туман ҳокимлиги ва Агрокластер МЧЖ томонидан “Tracker” автомашинаси топширилди.
Шунингдек, майдонга йиғилганлар кун давомида қўчқор жангларига ҳам гувоҳ бўлишди.
«Ҳосил байрами» тадбирида хушовоз хонандалар Феруза Жуманиёзова ва Жасур Мавлоновлар томонидан намойиш этилган концерт дастури, ёш ижодкорлар томонидан ижро этилган бадиий чиқишлар қатнашчиларига хуш кайфият, кўтаринки руҳ бағишлади.
