Кўтаринки кайфиятда бўлиб ўтган болаларнинг суннат тўйлари миллий анъаналаримиз асосида ўтказилгани барчага қувонч ҳадя этди, тўй болалар ва уларнинг ота-оналари қутловлардан мамнун бўлди.
Тантанали тадбирда Вобкент туман ҳокими Ф.Умаров ва сўзга чиққанлар мамлакатимизда аҳолининг ижтимоий ҳимояга муҳтож қатламларини моддий ва маънавий қўллаб-қувватлаш, уларнинг ҳаётдан рози бўлиб яшашини таъминлаш, жамиятда ўзаро ҳамжиҳатлик, меҳр-оқибат, бағрикенглик ҳамда хайр-саховат муҳитини янада мустаҳкамлаш борасида кенг кўламли ишлар олиб борилаётганини таъкидлади.
Тўй тантанасида Вобкент тумани ҳокими Фарҳод Умаров, ҳомий ташкилотлар томонидан хатна тўйи бўлаётган жажжи болажонларга тўй чопончаларини кийдирдилар, ҳамда, совға-саломлар улашилди. Таниқли санъаткорларнинг куй-қўшиқлари тўй иштирокчиларининг қалбига завқ-шавқ бағишлади.
Тўйда иштирок этганлар юзида замонага шукроналик ҳисси барқ урди. Тўй болаларнинг ота-оналари ушбу тадбирни ташкиллаштирган туман раҳбарига ўз миннатдорчиликларини билдирдилар.
