Вобкент туманида ижтимоий ҳимояга муҳтож, «Темир» ва «Аёллар» дафтарига киритилган фуқароларни янада қўллаб-қувватлаш мақсадида бепул кўмир тарқатилмоқда.
Қишки мавсумни беталофат ўтказиш, аҳолини суюлтирилган газ баллони ва кўмир билан таъминлаш мақсадида Вобкент туманида ҳам саъй-ҳаракат бошланган.
Юртимизга қиш фаслининг кириб келиши аҳоли кундалик турмуши, халқ хўжалигининг турли соҳалари, хусусан, коммунал тизимда бир қатор муаммолар келтириб чиқариши сир емас. Юзага келган ҳолатларни бартараф етиш юзасидан Вобкент туманида ҳам бир қатор амалий чоралар кўрилмоқда.
Хусусан, куни кеча ҳудудларда қиш мавсумини беталофат ўтказиш бўйича Президентимизнинг навбатдаги кенгайтирилган йиғилиши ўтказилиб, унда жойлардаги вазиятни қатий назоратга олиш, муаммоларни тезкорлик билан ечиш, аҳолига енгиллик яратиш ишларини янада жадаллаштириш масаласи кўриб чиқилди. Барча шаҳар ва туманларда ижтимоий ҳимояга муҳтож оилаларга бепул кўмир тарқатиш бўйича қарор қабул қилинди.
Туман ҳокимлиги ва маҳаллалар масъуллари билан келишган ҳолда табиий газ етиб бормаган хонадонлар орасидан еҳтиёжманд оилалар рўйхати шакллантирилиб, уларга кўмир тақсимланди. «Саховат ва кўмак» жамғармаси маблағлари ҳисобидан туман кесимида жами 44 та маҳалла фуқаролар йиғини ҳудудида истиқомат қилувчи эҳтиёжманд 237 та оилага 26.6 млн сўм пул маблағлари эвазига 88 тонна кўмир бепул этказиб берилди.
– Совуқ кунлар бошлансада етишмовчилик туфайли кўмир сотиб олишга имкон тополмаётган эдик, – дейди Гулистон маҳалла фуқаролар йиғини Гулистон қишлоғида яшовчи Аслон Раҳимов. – Қийин бир шароитда бепул кўмир берилгани оиламизни беҳад қувонтирди. Бунинг учун давлатимиз раҳбарига, шу хайрли ишнинг бошида турган барча яхши инсонларга раҳмат.
Туманда кўмир захирасини яратиш, аҳолини кўмир ёнилғиси билан таъминлашга қаратилган ишлар белгиланган режа асосида давом этмоқда.
Кунлар совиб, қиш ўз ҳукмини ўтказиши билан аҳолининг иссиқлик манбаларига бўлган этиёжи ошади. Шундай кунларда муҳтож оилалар ҳолидан хабар олиш, уларга ёрдам кўрсатиш ҳар бир раҳбар олдидаги масъулиятли бурчидир.
Дарҳақиқат, ҳар биримизнинг кўнглимизда яхши ниятлар, эзгу умидлар бўлса доимо бошимизга қут-барака ёғилаверади.
