Ҳозирги вақтда томорқачиликда ўзига хос мактаб яратиб, яхши даромад топаётган минглаб оилалар фаровон ҳаёт кечирмоқда.
Вобкент туманидаги қишлоқлари аҳолиси ҳам кафтдек ердан самарали фойдаланиб, оиласи фаровонлигини оширмоқда, бозорни арзон ва сифатли қишлоқ хўжалиги маҳсулотлари билан таъминлашга ҳисса қўшмоқда.
“Ғарибшоҳ” маҳалла фуқаролар йиғинига қарашли Асбобсоз қишлоғи ҳам ана шулардан бири. Шу маҳаллада яшовчи Ориф ака Комилов томорқачиликнинг ҳадисини олганлардан. Ишдан бўшт вақтларида, оила аъзолари билан мўъжазгина экин майдонидан унумли фойдаланиб, тўкин ҳаёт кечирмоқда. 4 сотих ерга турп етиштиради. Дастлабки ҳисоб-китобларга кўра, томорқадан олинган бу йилги даромад 6 миллион сўмдан ошади.
Ҳамжиҳатликда қилинаётган ишлар туфайли оила моддий фаровонликка эришиб, янги машиналар олмоқда, тўй-тўйларга уланмоқда.
Шунингдек томорқасига кирган киши булғор қалампири етиштиришнинг ўзига хос усулларига гувоҳ бўлади. Шунингдек анорларни кўрсангиз ҳайратга қоласиз. Томорқачиликда жорий этилган бу илғор усул маҳсулотни янада арзонлаштиришга хизмат қилмоқда. Ер ҳадисини олган бу оила ҳалол меҳнат билан ишлаб топган даромади ҳисобига замонавий уй-жойлар қурган .
Буларнинг барчаси мамлакатимизда яратилаётган шароит ва имкониятлар самарасидир.
