“Беш ташаббус олимпиадаси” доирасида Вобкент туманидаги ўқитувчилар ўртасида “Соғлом танда – сифатли таълим” шиори остида тумандаги 2, 4, 10 ва 19-умумий ўрта таълим мактабларида спорт мусобақалари бўлиб ўтди.
Мусобақа спорт турлари бўйича уч босқичда ўтказилади.
1-босқич: 2023-йил 1 – 10-март кунлари мусобақанинг сектор босқичи, туман (шаҳар)даги таълим муассасалари тўртта секторга бўлинган ҳолда ўз секторидаги таълим муассасаларининг жамоалари билан ўзаро беллашади ва ҳар бир сектордан 1-ўринни олган ғолиб (жамоа) мусобақанинг туман (шаҳар) босқичида иштирок этиш ҳуқуқини қўлга киритади.
2-босқич: 2023-йил 13-18-март кунлари мусобақанинг туман (шаҳар) босқичи ташкил этилади ва унда ҳар бир спорт тури бўйича 4 та сектордан 1-ўринни олган ғолиб (жамоа) иштирок этади. Ушбу босқичда 1-ўрин эгаллаган ғолиб (жамоа) мусобақанинг якуний 3-босқичида иштирок этиш ҳуқуқини қўлга киритади.
3-босқич: 2023-йил 23 -30-март кунлари мусобақанинг Қорақалпоғистон Республикаси, вилоятлар ва Тошкент шаҳар босқичи ўтазилиши ва унда ҳар бир спорт тури бўйича туман (шаҳар)да 1-ўринни олган ғолиб (жамоа) иштирок этиши белгиланган.
