Вобкент туманида маданий мерос объектларини муҳофаза қилиш ва улардан фойдаланишда туман ҳокимлиги томонидан тарихий обидаларни асраш, реставрация қилиш ҳамда уларни келажак авлодларга бус-бутун етказиш йўлида қатор ишлар амалга оширилмоқда.
Бугунги кунда тумандаги “Бозоржойи” МФЙ ҳудудида “Тош масжид” бинолари мавжуд бўлиб, бу бинолар туман ҳокимлиги муҳофазасига олинган. Бугунги кунда ушбу кўхна обидаларни тўлиқ таъмирлаш ишлари бошлаб юборилган. Бугун туман ҳокими Ф.Умаров қурилиш ва таъмирлаш ишларининг бориши билан танишди.
Тош масжид (Бундай номланиши ҳақида маълумот мавжуд эмас) ривоятларга кўра Мавлоно Яқуб Чархибобо деган киши ўз ҳассалари билан ерга чизиб келаётган пайтларида ҳасса изидан ариқ ҳосил бўлиб, унда сув келган. Орқа томонларига ўгирилиб қараганларида сув тўхтаб қолган экан. Масжиднинг бир қисми 1990 йилларда қайта реконструция қилинган қолган қисми мустақиллик йилларида реконструкция қилинган. Мавлононинг қабрлари масжид ҳудудида жойлашган.
