Вобкент туман ҳокими Фарҳод Умаров иштирокида Вобкент тумани “Чўрикалон” МФЙдаги Талигандум қишлоғида ўтказилган навбатдаги оммавий сайёр қабул ҳам аҳоли билан тўғридан-тўғри мулоқотни кенгайтириш, мавжуд долзарб муаммоларни аниқлаш, уларни бевосита жойида бартараф этиш юзасидан аниқ ва тезкор чоралар кўриш мақсадига қаратилганлиги билан аҳамиятли бўлди.
Бўлиб ўтган ушбу қабулда Халқ қабулхонаси мудири, туман ҳокими ўринбосарлари, тумандаги ташкилот ва идоралар раҳбарлари, бошқа мутасаддилар қатнашдилар.
Юзма-юз очиқ мулоқотда электр энергияси ва гаъз таъминоти узилишлари билан боғлиқ муаммолар, кадастр ва солиқ ҳужжатлари билан боғлиқ масалалар, қишлоқ йўлларини тўсиб қўйган ноқонуний нарсаларни йўлдан олиш, тикув машинаси олишда ёрдам бериш масалаларига оид 9 та мурожаат келиб тушган бўлса уларнинг 2 таси шу жойнинг ўзида, 3 тасига ҳуқуқий, 2 тасига тушунтириш ва ўрганиш учун муддатлар белгиланди.
