Ёшлар учун яратилган қулайликлар, шароитлар, имкониятлар – фаровон келажакка қадам босишда кенг очилган эшиклар деганидир. Аҳолининг уюшмаган қатлами ўртасида ўтказилаётган бундай сайёр учрашувлар самимий ва ошкора руҳда ўтмоқда.
Сайёр учрашувда тумандаги “Кумушкент” маҳалла ёшлари ўзларини қизиқтирган масалалар юзасидан туман ҳокими Фарҳод Умаровга тўғридан-тўғри мурожаат қилишмоқда.
Жойида ҳал қилиш имкони бўлган оғзаки мурожаатлар: иш билан таъминлаш, репетиторга тайёрланиш учун курс пулларини тўлаб бериш, моддий ёрдам кўрсатиш, соғлигини тиклашда дори дармонлар олиб бериш, чорвачиликни бошлаш учун чорва қўйлари олиб бериш билан боғлиқ муаммолар туман ҳокими томонидан ҳал этиб берилди. Атрофлича ўрганиш тақозо этиладиган масалаларни ҳал этиш юзасидан ваколатли идораларга топшириқлар берилди.
Учрашувда ташаббускор ва фаол ёшлар ўзларининг келажак режалари, уларни қийнаётган муаммолар ҳақида очиқ-ойдин гапирди. 1-сектор ҳудудидаги ёш тадбиркорларни қўллаб-қувватлаш айниқса, уюшмаган ёшлар билан ишлаш тизимини ишлаб чиқиш бўйича берилган таклифлар юзасидан атрофлича фикр алмашилди.
