Кеча Бухоро вилояти ҳокими Ботир Зарипов вилоят соғлиқни сақлаш соҳаси ходимлари билан учрашувда тизимдаги қатор муаммолар ҳақида гапирди.
Жумладан, Зарипов якшанба куни туман раҳбарларини огоҳлантирмасдан Шофиркон туман тиббиёт бирлашмасини тўлиқ айланиб чиққанини ва ичкаридаги тартибсиз авҳолдаги дўконлар ва ер майдонлари авҳолидан норозилигини билдирди.
“- Ичкарига кирсангиз шифер билан ўралган жойда ҳамда ичкарироқда канализация ерда оқиб ётибди. Ахлат ташлайдиган жойда дайди итлар юрибди. Одамлар кўчада совуқда кутиб ўтирибди. Ҳоким билмайди, сектор раҳбари билмайди”.
Шунингдек, шифокорлар касалларга асоссиз равишда дорилар рецептини ёзиб бериши ҳолатлари кўпайгани оғриқли эканини алоҳида келтириб ўтди.
Ботир Зарипов вилоятдаги ҳолатларни бартараф этиш учун охирги огоҳлантириш бериб, зарур чоралар кўришни топширди.
