Бугун эрта тонгдан Бухоро шаҳридаги собиқ “Тўқимачи” деҳқон бозори ўрнида қурилиши режалаштирилган истироҳат боғига кўчат ўтқазиш тадбири ташкил этилди. Унда вилоят ҳокими Ботир Зарипов бошчилигидаги секторлар раҳбарлари, вилоят ташкилот ва идоралари мутасаддилари, ёшлар, жамоатчилик вакиллари, экология ҳамда ободонлаштириш соҳаси ходимлари иштирок этишди.
Мазкур ҳудудда кўркам боғ ташкил этиш учун 1,7 гектар ер ажратилган бўлиб, бу ерда бутазор ва табиий ўтлоқли майдон, велойўлак ва пиёдалар йўлакчаси, спорт майдони барпо этилади. Умуман, ташриф буюрувчиларнинг эҳтиёжларидан келиб чиқиб, зарур инфратузилма яратилади.
“Яшил макон” умуммилий лойиҳаси доирасида ташкил этилган дарахт ўтқазиш тадбири давомида 600 тупга яқин мевали ва манзарали дарахт кўчатлари ўтқазилди.
