Ромитан тумани ҳокими Умеджон Барноев раҳбарлигида тадбиркорликни янада ривожлантириш, инвестицияларни кенг жалб қилиш, бизнесни юритиш учун қулай имкониятлар яратиш, соҳа кишиларининг қонуний манфаатларини ҳимоялаш ва ҳуқуқий кафолатларини мустаҳкамлаш, уларни қийнаётган муаммоларни бартараф этиш мақсадида ромитанлик тадбиркорлар билан навбатдаги учрашув бўлиб ўтди.
Унда туман ҳокими ўринбосарлари, тижорат банкларининг вилоят ва туман филиаллари, мутасадди ташкилот, корхоналарнинг раҳбарлари, ҳоким ёрдамчилари, тадбиркорлар ҳамда тадбиркорлик фаолияти билан шуғулланиш истагида бўлган ёшлар иштирок этди.
Тадбиркорларнинг турли масалалардаги таклиф ва ташаббуслари, мурожаатлари тингланиб, айрим муаммолар жойида бартараф этилди. Баъзи мурожаатларни ҳал қилиш бўйича қисқа муддатлар белгиланиб, тегишли ташкилотларга кўрсатма ва топшириқлар берилди.
