Мурувват ва саҳоват юртимизда азалдан юксак қадрият ҳисобланган. Ёрдамга муҳтож кишиларга кўмаклашиш, оғирини енгил қилиш қон-қонимизга сингиб кетган эзгу анъаналаримиздандир.
Яқинлашиб келаётган Рамазон Ҳайити кунлари ҳам халқимизнинг инсонпарварлик ва албатта, меҳр-шавқат ҳамда саҳоватпеша эканини яққол намоён қилмоқда. Мана шундай кунларда бирдамлик, жипслик, аҳллик ва шукроналик билан иш кўриш, айниқса, ён-атрофимиздаги ёрдамга муҳтож инсонларга кўмаклашиш барчамизнинг инсоний бурчимиздир.
Худди шу мақсадда бугун, 20 апрель куни Ромитан туман ҳокими Умеджон Барноев Қизилравот ҳудуди Кўҳна Қитъа-Европанинг баъзи давлатлари билан тенгдош биргина Ромитан тумани марказидан 265 километр узоқликда, Қизилқум кенгликлари бағрида, қўшни Хоразм вилоятига чегарадош, мамлакатимизнинг жанубий “қон томири” – Амударёга ёндош “Қизилравот” аҳоли масканидаги ижтимоий ҳимояга муҳтож, якка-ёлғиз кексалар, ногиронлиги бўлган оилаларга хонадонида бўлиб, яқинлашиб келаётган Рамазон Ҳайити байрами билан табриклади ва “Маҳалла” хайрия жамоа ҳузуридаги “Саховат ва кўмак” умумхалқ ҳаракати жамоат фонди ҳисобидан бир марталик моддий ёрдам ҳамда озиқ-овқат маҳсулотлари топширилди.
Ҳар бир хонадондаги ташриф давомида оила аъзоларининг юз-кўзларида ҳаётдан, шукроналик, келажакка ишонч қалқиб турибди.
Саховат баҳонасидаги дийдордан мамнун халқимиз ватанимиз тинчлиги, осмонимиз мусаффолиги, она заминимиз осудалигини сўраб дуо қилдилар.
