Ромитан тумани ҳокими Умеджон Барноев туман Ободонлаштириш бошқармаси ходимларини совуқ кунларда иш мехнатини қадрлаш мақсадида улар билан учрашиб, бугунги синовли кунлардаги захматли меҳнатларини эътироф этди. Туман Ободонлаштириш бошқармаси ходимларининг 200 нафарига иссиқ кийимбош ва оёқ кийимларни топширди.
Бундан ташқари туманда ўтказилаётган ижтимоий ҳимояга муҳтож аҳоли қатламини қўллаб-қувватлаш мақсадида хайрия тадбирлари асосида туман Ободонлаштириш бошқармаси бўлими ташаббуси билан икки қозон ҲАЛИМ пиширилиб, ташкилот ходимларига ҳамда эҳтиёжманд оилалар, ижтимоий ҳимояга муҳтож аҳоли қатлами, ногиронлиги бўлган фуқаролар учун тарқатилди.
Ўз хизмат вазифаларини шараф билан адо қилаётган фидойилар бу ташаббус ва эътибордан мамнун эканликларини таъкидлаб ўтишди.
Юртимизнинг обод ва кўркам, тоза ва озода бўлишига жойлардаги ободонлаштириш бўлимлари ишчи ходимларининг меҳнатлари беқиёс. Улар ёзнинг жазирама иссиқ кунларида, қишнинг совуқ кунларида ҳам тозалик ва озодалик учун доимо камарбаста.
