Ромитан тумани ҳокими Умеджон Барноев бошчилигида 1-секторга қарашли “Азизон” маҳалла фуқаролар йиғинидаги аҳоли вакиллари билан сайёр қабул ўтказилди.
Сайёр қабулда туман халқ қабулхонаси мудири, туман ҳокими ўринбосарлари, 1-сектор ишчи гуруҳи аъзолари, тегишли ташкилот, корхона раҳбарлари, МФЙ ходимлари, маҳалла фаоллари ҳамда фуқаролар иштирок этишди.
Сайёр қабул давомида аҳоли томонидан суюлтирилган газ баллон олиб берилишида кўмаклашиш, моддий ёрдам ажратиш, электр-энергияни яхшилаш, ички йўлларни таъмирлаш ҳамда шағаллаштириш, ишга жойлашиш, тикув машинаси билан таъминлаш, даволаниш учун моддий ажратиш ва бошқа масалаларга оид 10 га яқин мурожаатлар ўртага ташланди.
Мурожаатларнинг 4 таси ижобий ҳал этилиб, 2 тасига ҳуқуқий маслаҳат ва тушунтиришлар берилди ҳамда ижроси маълум муддат талаб қилинадиган 2 та мурожаатларни ижобий ҳал этиш бўйича мутасаддиларга йўналтирилди.
