ТИМСС баҳолаш дастури Таълим ютуқларини баҳолаш халқаро ассоциацияси томонидан илк бора 1995-йилда ташкил этилган бўлиб, иштирок этишни хоҳлаган давлатларда ҳар 4 йилда бир марта ўтказиш йўлга қўйилган. ТИМСС дастурида 4 ва 8-синф ўқувчиларининг математика ва табиий фанлар бўйича эгаллаган билим даражаси ва сифатини солиштириш ҳамда миллий таълим тизимидаги фарқларни аниқлаш билан бир қаторда, мактабларда математика ва табиий фанлар бўйича берилаётган таълим мазмуни, ўқув жараёни, таълим муассасасининг имкониятлари, ўқитувчилар салоҳияти, ўқувчиларнинг оилалари билан боғлиқ омиллар ўрганилади.
2019-йилда ўтказилган еттинчи давра ТИМСС тадқиқотида 67 та мамлакат иштирок этган ва Сингапур, Гонг Конг, Корея Республикаси, Хитой Тайпейи, Япония каби давлатлар энг юқори натижаларни эгаллаган. Навбатдаги ТИМСС тадқиқоти 2023-йилда ташкил этилиб унда ўзбекистонлик ўқувчиларнинг ҳам иштирок этиши кўзда тутилган эди. ТИМСС дастурига Ўзбекистон Республикасидан 166 та мактаб танланган бўлиб, шундан 6 таси Бухоро вилоятидан танланган.
2-май куни ТИММС Халқаро баҳолаш дастурига Вобкент туманидан 19-умумий ўрта таълим мактаби иштирок этди. Унда мактабнинг 4- ва 8-синф ўқувчиларидан жами 35 нафари тест синовларини муваффақиятли якунланди.
Таълим сифатини баҳолаш бўйича халқаро тадқиқотларни амалга ошириш миллий маркази томонидан математика ва табиий фанлардан тенденсияларни баҳолаш халқаро ТИММС 2023 тадқиқоти асосий синов жараёнини ташкил этишда кўрсатган хизматлари ва саъй – ҳаракатлари учун мактаб маъмурияти ташаккурнома билан тақдирланди.
