Тиббиёт ходимлари фойдасига қўшимча тўловлар ундирилди

Амалга оширилаётган ислоҳотлар натижасида ишчи-ходимларга соғлик учун хавфли ва оғир меҳнат шароитларида ишлаганлик учун қўшимча тўловлар берилишига доир ҳуқумат қарори қабул қилинган.
Бироқ, ходимларнинг иш ҳақларини нотўғри ҳисоблаш, оғир меҳнат шароитлари учун қўшимча тўловларни ёки меҳнат таътилларига қўшимча кунларни қўшмаслик оқибатида тўланиши лозим бўлган тўловларни тўламаслик ҳолатлари ҳамон учраб турибди.
Ҳуқуқлари бузилган ходимлар касаба уюшмаси орқали ушбу қўшимча тўловларни суд тартибида ундиришга мажбур бўлишмоқда.
Суд-ҳуқуқ тимизидаги ислоҳотлар қонун устуворлигини таъминлаш орқали фуқароларнинг ҳуқуқларини ҳимоя қилишга қаратилган.
Бюро органлари иш юритувидаги иш ҳақи ва унга тенглаштирилган тўловларни ундириш тўғрисидаги ижро ҳужжатлар ижросини таъминлаш назорат олинган бўлиб, бу борада муайян ишлар қилинмоқда.
Мисол учун, фуқаролик ишлари бўйича Ромитан туманлараро судининг 21.08.2023 йилдаги ижро ҳужжатига асосан қарздор Ромитан туман тиббиёт бирлашмасидан ундирувчилар 15 нафар тиббиёт ходимлари фойдасига жами 28.666.646 сўм меҳнат таътил кунларига қўшимча кунлар қўшимлаганлиги учун тўланиши лозим бўлган тўловлар, 1.188.454 сўм давлат божи ва 30.000 сўм почта харажати ундириш тўғрисидаги ижро ҳужжати Бюронинг Ромитан туман бўлими иш юритувига келиб тушган ва шу куннинг ўзида ижро иши юритишни қўзғатиш тўғрисида қарор қабул қилиниб, ижро ҳаракатларига киришилган.
Бўлим давлат ижрочиси томонидан олиб борилган мажбурий ижро ҳаракатлари давомида қарздор Ромитан туман тиббиёт бирлашмасидан 15 нафар тиббиёт ходимлари фойдасига 28.666.646 сўм миқдоридаги тўловлар тўлиқ ундирилиб, ундирувчиларнинг банк пластик карталарига кўчириб берилган.
Шунингдек, қарздордан давлат божи ва почта харажати ундирилиши таъминланиб, ижро иши амалда тамомланган.
Ҳозирда, мазкур тадбирлар давом эттирилмоқда.
Бюронинг Бухоро вилояти бошқармаси