Бугун туркиялик тарихчи олим, ўзбек миллатига мансуб сиёсатшунос, АҚШнинг Мичиган давлат университети профессори Timur Kocaoğlu Бухоро давлат педагогика институтига ташриф буюрди. Таниқли олимнинг ташрифи талабалар томонидан ташкил этилган тасвирий санъат асарлари билан танишувидан бошланди. Ташриф давомида институтнинг бугунги фаолиятига оид материлларни кўздан кечирди. Олимга Ўзбекистон Миллий университети профессори, филология фанлари доктори Ҳ.У.Болтабоев ҳамда Ўзбекистон Фанлар академияси Тарих институти профессори, тарих фанлари доктори Қ.К.Ражабов ҳамроҳлик қилди. Timur Kocaoğlu “Türkistan’da türk subayları” номли китобини Бухоро давлат педагогика институтининг ахборот-ресурс марказига совға қилди.
Шунингдек, туркиялик тарихчи олим Timur Kocaoğlu ташрифи давомида магистрлар ҳамда докторантлар билан ҳам учрашди ва педагогик таълимнинг замонавий услублари ҳақида зарурий маълумотларни тақдим этди.
