“Ўзбекистон Республикасининг айрим қонун ҳужжатларига ўзгартиришлар киритиш тўғрисида”ги (20.02.2024-й., ЎРҚ–910-сон) Қонун
мазмун-моҳиятини ёритишга қаратилган
Тадбиркорлар энди сайёр солиқ текширувлари ва солиқ аудити қарорлари устидан тўғридан тўғри судга шикоят қилиши мумкин.
Қонун билан Солиқ кодексига киритилган ўзгартиришга кўра, солиқ органларининг сайёр солиқ текширувлари ва солиқ аудити натижалари бўйича қабул қилинган қарорлари устидан тадбиркорларнинг тўғридан тўғри судга шикоят қилишига доир чекловлар бекор қилинди ҳамда судга шикоят қилиш имкониятлари кенгайтирилди.
Шунингдек “Хўжалик ширкатлари тўғрисида”ги, “Масъулияти чекланган ҳамда қўшимча масъулиятли жамиятлар тўғрисида”ги ва “Аксиядорлик жамиятлари ва аксиядорларнинг ҳуқуқларини ҳимоя қилиш тўғрисида”ги Қонунларга киритилган ўзгартиришга кўра, тадбиркорлик субектининг устав фондини (устав капиталини) камайтириш тўғрисида қарор қабул қилинганда кредиторларни ёзма равишда хабардор қилиш ва ОАВларда бу ҳақда эълон бериш талаби бекор қилинди.
Бунга қадар тадбиркорлар сайёр солиқ текшируви ва солиқ аудити натижаларидан норози бўлган тақдирда, уларнинг шикоятлари дастлаб юқори турувчи солиқ органи томонидан кўриб чиқилиши, шундан кейингина судга шикоят қилишлари мумкин эди.
Асос: Ўзбекистон Республикасининг
ЎРҚ–910-сон Қонуни, 20.02.2024-й.
Бухоро тумани адлия бўлими
бошлиғи в/б М.Қосимов
Бухоро тумани адлия бўлими
юридик хизмат кўрсатиш
маркази бош юрисконсулти Ш.С.Набиев
