Табиий газ истеъмолидан бўлган қарздорлик ундирилди

Бош прокуратура ҳузуридаги Мажбурий ижро бюросининг Бухоро вилояти бошқармаси ва ҳудудий бўлимлари томонидан электр энергияси ва табиий газ истеъмолидан бўлган қарздорликларни ундириш борасида муайян ишлар амалга оширилмоқда.
Хусусан, жорий йилнинг ўтган даври мобайнида мазкур тоифадаги ижро ҳужжатлар ижросини таъминлаш борасида олиб борилган ижро ҳаракатлари давомида 1237 та ижро ҳужжатлар ижроси таъминланиб, 33,3 млрд. сўм миқдордаги қарздорликлар амалда ундирилди.
Шунингдек, амалга оширилган ижро ҳаракатлари давомида қарздорлардан 12,5 млрд. сўмлик мол-мулклар қарздорлик эвазига хатловга олиниб, шундан 8,6 млрд. сўмлик муклар электрон-онлайн савдоларга чиқарилган.
Бундан ташкари, 10 нафар қарздорларнинг 15,8 млн. сўмлик миқдоридаги қарздорлик суммалари уларнинг иш ҳақларига қаратилган ҳамда ҳисоб рақамларига инкассо қўйилган.
Мисол учун, Бухоро туманлараро иқтисодий судининг 20.05.2022 йилдаги ижро варақасига асосан ундирувчи “Ҳудудгазтаъминоти” АЖ фойдасига қарздор “Inshoot Turxol Agro” МЧЖдан истеъмол қилинган табиий газ тўловидан бўлган 128.178.632 сўм асосий қарз ва олдиндан тўланган 21.600 почта ҳаражатини ундириш тўғрисидаги ижро ҳужжати Бюронинг Бухоро туман бўлими иш юритувига 12.08.2022 йилда келиб тушган ва ижро ҳаракатларига киришилган.
Қарздорга ижро ҳужжати мазмун моҳияти тўлиқ тушунтирилиб, бартараф этиш учун ихтиёрий муддат берилган.
Ижро ҳужжати талаблари қарздор томонидан бажарилмаганлиги сабабли қарздорга нисбатан мажбурий ижро этиш чоралари қўлланилган.
Бўлим давлат ижрочиси томонидан олиб борилган мажбурий ижро ҳаракатлари давомида қарздор МЧЖдан асосий қарз, почта ҳаражати ва ижро йиғим тўлови нақд пул шаклида тўлиқ ундирилди ҳамда ундирувчи “Ҳудудгазтаъминоти” АЖ ҳисобига кўчириб, ижро ҳужжати ижроси жорий йилнинг 12 май куни амалда тамомланди.
Ҳозирда, мазкур тадбирлар давом этмоқда.
Бюронинг Бухоро вилояти бошқармаси